கனக்கும் காதல் கணங்கள்

கனக்கும் காதல் கணங்கள்

உன்னுடன் சண்டையிட்டு
வீடுத்திரும்பும் நான்
தேடியெடுப்பதென்னவோ
"இதை வைத்திரு" என்று
நீ என்னிடம் கொடுத்த
காலாவதியான
ரசீதைத் தான்.
சண்டையின் சூட்டில்
ஒரு துளி கொண்டு
என்னை நனையவைக்கும்
நம்பிக்கை நிமிடங்களில்
கையில் ரசீதுடன் - உன்
அழைப்பிற்காக காத்திருக்கின்றேன்.
எதிர்ப்பார்த்தபடியே -
"அந்த முக்கியமான ரசீது-
உடனடியா வேணும்" என்ற
பரிதாபமான பாசாங்கில்
மீண்டும் ஒருமுறை
காலாவதியாகிப்போகிறது
ரசீது - புதுப்பிக்கப்படுகிறது
காதல்!!!